મામા મામી આજ આવ્યા લઈ || Mama Mami Aaj Lyrics || Lagna Geet Lyrics

મામા મામી આજ આવ્યા લઈ

મોસાળું   લઈ  આવ્યા,...

ભર્યું મામાએ મોસાળું ઘણા હોંશથી

ભર્યું મામીએ મોસાળું ઘણા ઠાઠથી

આજે,......ના મામાં આવ્યા છે સામા

ભર્યું મામાએ મોસાળું ઘણા હેતથી

ભર્યું મામીએ મોસાળું ઘણા હોંશથી

મામા મામી આજ આવ્યા લઈ

મોસાળું  લઈ  આવ્યા,...

ભર્યું મામાએ મોસાળું ઘણા હોંશથી

આવી રુડી મોસાળાની છાબ || Aavi Rudi Mosada Ni Chhab Lyrics || Lagna Geet Lyrics

આવી રુડી મોસાળાની છાબ,..

મામેરા લાવ્યાઘણા હોંશથી રે લોલ (2)

મામા લાવ્યા હીરાનો સેટ (2)

મામીએ આપ્યા રૂડા હેતથી રે લોલ

આવી રુડી મોસાળાની છાબ,..

માસી લાવ્યા સોનાનો હાર (2)

એમણે ઘડાવ્યા મોંઘા મુલના રે લોલ

આવી રુડી મોસાળાની છાબ,..

પહેરો પહેરો બેનીરે આજ (2)

અમર રહે ચૂડી ચાંદલો રે લોલ

આવી રુડી મોસાળાની છાબ,..

લાડકડીના લગનિયાં લેવાય || Ladakdina Laganiya Lyrics || Lagna Geet Lyrics

લાડકડીના લગનિયાં  લેવાય   રે...

    ને  હૈયે હરખ ન માંય,...  રે...

અમ ઘેર અવસરીયો ઉજવાય   રે..

   ને  હૈયે હરખ ન માંય,...  રે..

         લાડકડીના...

પેલા પેલા ગણપતિ સ્થપાય,..રે..

ગણપતિના પૂજન પાઠ મડાંય રે..

વેલાવેલા વિઘન કરજો વિદાયરે..

        લાડકડીના...

લગન એતો જબરો યગન કેવાયરે,

આઅવસરિયે ગીતમધુરા ગવાયરે,

કંકુકેસર ચોખાના સાથિયા પુરાય રે,

       લાડકડીના...

હે..વાગ્યા..રે || He Vagya Re Vagya Lyrics || Lagna Geet Lyrics

હે......વાગ્યા....રે.....વાગ્યા....

વગ્યા વાગ્યા ઢોલ શરણાયું ના સુર રે,

અવસર આવ્યો આંગણેં રે લોલ....(2)

હે.......તેડો......રે.....તેડો

તેડો રે તેડો ગણપતિ દેવ ને આજ રે,

રિદ્ધિ ને સિદ્ધિ સાથમાં રે લોલ.....(2)

હે.......તેડો......રે.....તેડો

તેડો રે તેડો કુળદેવી માત ને આજ રે,

અંતરના આશિષ આપવારે લોલ..(2)

હે......રમતા....રે....બેની....

રમતાં  બેની   માંડવડા ની  હેઠ  રે,

પિયુજી આજે લઈ જશે રે લોલ...(2)

ભલે આવ્યા રે || Bhale Avya Re Lyrics || Lagna Geet Lyrics

ભલે આવ્યા રે ભલે આવ્યા રે

તમે સુરત ના શેઠિયા ભલે આવ્યા રે

નથી લાવ્યા રે નથી લાવ્યા રે

તમે હાર ઉપર હાંસડી નથી લાવ્યા રે

નઈ ચાલે રે નઈ ચાલે રે

આ મોટેરા ના માંડવે નઈ ચાલે રે

ભલે આવ્યા રે ભલે આવ્યા રે

તમે અમદાવાદી મહાજન ભલે આવ્યા રે

નથી લાવ્યા રે નથી લાવ્યા રે

તમે હાંસડી ઉપર બંગડી નથી લાવ્યા રે

ભલે આવ્યા રે ભલે આવ્યા રે

તમે સુરત ના શેઠિયા ભલે આવ્યા રે

નથી લાવ્યા રે નથી લાવ્યા રે

તમે કાંબી ઉપર કડલી નથી લાવ્યા રે

પ્રથમ શ્રી ગણેશ બેસાડો || Pratham Shree Ganesh Besado Lyrics || Lagna Geet Lyrics

પ્રથમ શ્રી ગણેશ બેસાડો રેં મારા ગણેશ દુંદાળા,

ગણેશ દુંદાળા ને વાને રૂપાળા   (2)

ગણેશજી વરદાન દેજો રે મારા ગણેશ દુંદાળા

   પ્રથમ શ્રી ગણેશ,........

તેત્રીશ કરોડ દેવતા સીમડીએ આવ્યા (2)
હરખ્યા છે ગોવાળોના મનડાં રે,મારા ગણેશ દુંદાળા,

   પ્રથમ શ્રી ગણેશ,........

તેત્રીશ કરોડ દેવતા પાદરે આવ્યા (2)
હરખ્યા છે પનિહારી મનડાં રે,મારા ગણેશ દુંદાળા,

    પ્રથમ શ્રી ગણેશ,........

તેત્રીશ કરોડ દેવતા ડેલીએ આવ્યા (2)
હરખ્યા છે ઢોલીડા મનડાં રે,મારા ગણેશ દુંદાળા,

    પ્રથમ શ્રી ગણેશ,........

તેત્રીશ કરોડ દેવતા માંડવડે આવ્યા (2)
હરખ્યા છે વર કન્યાના મનડાં રે,મારા ગણેશ દુંદાળા,

    પ્રથમ શ્રી ગણેશ,........

વાગે રે વાગે આજ || Vage Re Vage Aaj Nobat Vage Lyrics || Lagna Geet Lyrics

વાગે રે વાગે આજ નોબત વાગે

મારે ઘેર આનંદ પધારો વિનાયક,

  વાગે રે વાગે,.....

આજ વિનાયક કોના ઘેર નીસર્યા

આજ વિનાયક,.........ઘેર નીસર્યા

રૂમઝૂમ પગલે પધારો વિનાયક

  વાગે રે વાગે,.....

આજ વિનાયક કોના ઘેર નીસર્યા

આજ વિનાયક,.........ઘેર નીસર્યા

કુમકુમ પગલે પધારો વિનાયક

   વાગે રે વાગે,.....

આજ લાડકડી ના લગન લેવાણાં

આજ,........... ના લગન લેવાણાં

આશિષ  દેવા  પધારો  ગજાનંદ

    વાગે રે વાગે,.....